Pakistan məhkəməsi ölkənin keçmiş baş naziri, müxalif Ədalət Hərəkatı Partiyasının lideri İmran Xanı və onun həyat yoldaşı Büşra Bibini iyulun 22-dək həbsdə saxlamağa qərar verib
Oxu.Az bu barədə Pakistan mətbuatına istinadən xəbər verir.
Milli Hesabat Bürosu (Pakistanın antikorrupsiya xidməti - red.) İmran Xanı və həyat yoldaşını dövlətin büdcəsindən istifadə edərək bahalı hədiyyələr almaqda ittiham edib.
Siyasətçi və həyat yoldaşının vəkili həbsi qanunsuz adlandırıb.
Onun sözlərinə görə, girov müqabilində həbs qətimkan tədbirinin ləğvi ilə bağlı vəsatət artıq Ali Məhkəmədə baxılmaq üçün qəbul edilib.
