Kreml Putinin Bakıya son səfəri zamanı Pavel Durovla görüşü barədə suala aydınlıq gətirdi

"Rusiya Prezidenti Vladimir Putin Bakıya son səfəri zamanı "Telegram"ın təsisçisi Pavel Durovla görüşməyib".

Oxu.Az Rusiya KİV-ə istinadən xəbər verir ki, bunu Kremlin mətbuat katibi Dmitri Peskov deyib.

Dmitri Peskov söyləyib ki, Kreml Fransada saxlanılan Pavel Durovun konkret nədə ittiham olunduğunu da bilmir:

"Biz hələlik Durovun konkret nədə ittiham olunduğundan məlumatsızıq. Gəlin ittiham açıqlanana qədər gözləyək. Yalnız bundan sonra ilkin nəticələr çıxarmaq mümkün olacaq".