11:08 Dövlət Suverenliyi Günü iş olmayacaq? - RƏSMİ CAVAB   ///     08:53 Bakıda mənzil bazarında qiymət artımları   ///     08:49 Azərbaycanda Dövlət Suverenliyi Günü təsis edildi   ///     07:14 Şagirdini döyən müəllimi necə cəzalandıraq? - AÇIQLAMA   ///     11:28 Azərbaycanda iş və istirahət günlərinin yerləri dəyişdirildi   ///     09:11 Dünyanın ən aktiv 5-ci palçıq vulkanı olan "Lökbatan vulkanı" aktivləşib   ///     10:17 İlk dəfə məktəbə qədəm qoyan mələklər   ///     10:14 Yeni tədris ilinin ilk günündə paytaxt yollarda vəziyyət necədir?   ///     05:26 Noyabrda neçə gün iş olmayacaq?   ///     09:33 "Iphone 16" Azərbaycanda bu qiymətə satılacaq   ///    

İbrahim Rəisinin helikopterinin qəzaya uğraması ilə bağlı yekun hesabat açıqlanıb

İbrahim Rəisinin helikopterinin qəzaya uğraması ilə bağlı yekun hesabat açıqlanıb

İran Prezidenti İbrahim Rəisi və digər rəsmi şəxslərin həlak olduğu helikopter qəzasının əsas səbəbi bölgənin mürəkkəb iqlim və atmosfer şəraiti kimi göstərilib.

Oxu.Az "Sharghdaily"yə istinadən xəbər verir ki, bu barədə helikopter qəzasının səbəblərini araşdıran Ali Komissiyanın yekun hesabatı dərc olunub.

Hesabatda bildirilir ki, yaz aylarında birdən-birə sıx duman kütləsi hündürlüyə doğru yüksəlib və nəticədə helikopter dağa çırpılıb.

Hesabatda həmçinin qeyd edilir ki, qəzaya uğrayan helikopterin texniki, mühəndislik, elektron və naviqasiya sistemləri diqqətlə ekspertizadan keçirilib və nəticə əldə edilib.

Bundan başqa, son dörd ildə helikopterin təmiri ilə bağlı sənədlər ekspertlər tərəfindən araşdırılıb və heç bir problem müşahidə olunmayıb.

Təbrizdən Ağbənd körpüsünə, Qız Qalası bəndinə və oradan Təbriz Neft Emalı Zavoduna gedən uçuş marşrutları mütəxəssislər tərəfindən diqqətlə yoxlanılıb və helikopterin proqnozlaşdırılan marşrut üzrə hərəkət etdiyi, bu marşrutdan kənara çıxmadığı müəyyən edilib.

Helikopterin qalan hissələri və sistemləri (mühərrikləri, enerji ötürücü və yanacaq sistemləri, elektron avadanlıqlar) Müdafiə Nazirliyinin Aviasiya Sənayesi Təşkilatının ekspertləri tərəfindən sınaqdan keçirilib və qəzanın baş verməsinə təsir edən heç bir qüsur aşkar edilməyib.

Meteorologiya Təşkilatının qəza baş verdiyi gündən olan hesabatları, cari hava şəraiti və qeyri-sabit hava şəraiti ilə bağlı xəbərdarlıqlar ekspertlər tərəfindən araşdırılıb.

Məhkəmə Tibbi Texniki Komitəsinin araşdırma hesabatına görə, həlak olan şəxslərin bədənlərində aparılan toksikoloji və patoloji müayinələrdə şübhəli hal aşkarlanmayıb.

Helikopterin hissələri və sistemləri ekspertlər tərəfindən yoxlanılıb və heç bir təxribat əlamətləri aşkar edilməyib.

Helikopterin hücum və müdafiə sistemləri, elektron müharibə, maqnit sahəsinin və lazerin yaradılması ehtimalı mütəxəssislər tərəfindən yoxlanılıb və bu halların qəza baş verməsinə hər hansı müdaxiləsi istisna edilib.

Bütün hallar, ətraflı ekspertiza, ixtisaslaşdırılmış araşdırmalar və onların nəticələri nəzərə alınaraq, Silahlı Qüvvələrin Baş Qərargahının Ali Ekspert Şurasının yekun rəyi belədir: "Helikopterin qəzaya uğramasının əsas səbəbi bölgənin mürəkkəb iqlim və atmosfer şəraiti, yaz aylarında birdən-birə sıx duman kütləsinin hündürlüyə doğru yüksəlməsi və helikopterin dağla toqquşmasıdır".

Qeyd edək ki, göyərtəsində İbrahim Rəisi və digər rəsmi şəxslərin olduğu helikopter bu il mayın 19-da İran ərazisində qəzaya uğrayıb. Prezident İbrahim Rəisi, xarici işlər naziri Hüseyn Əmir Abdullahian və daha bir neçə rəsmi şəxs qəzada həlak olublar.


Dünya
Ermənistan təlaşda: 25 il sonra ölkədə erməni qalmayacaq

Ermənistan təlaşda: 25 il sonra...

Dünya
Astronavtların iddiası: 2035-ci ildə yaşayırıq

Astronavtların iddiası: 2035-ci...

Dünya
İngiltərə şahzadəsi Kate Middleton xərçəng xəstəliyinə qalib gəldi

İngiltərə şahzadəsi Kate Middleton...

Dünya
Trampa atəş açan şəxs atıcılıq klubunun üzvü olub

Trampa atəş açan şəxs atıcılıq...

Dünya
Rusiyada 10 minə yaxın miqrant müharibəyə göndərilib

Rusiyada 10 minə yaxın miqrant...

Dünya
Qırğızıstan "Taliban"ı terror təşkilatı siyahısından çıxarıb

Qırğızıstan "Taliban"ı terror...

Комментарии (0)