İngiltərə kral ailəsinin yeni gəlini Meqan Markl ilk uşağını dünyaya gətirməyə hazırlaşır. Onun harada doğum edəcəyi də maraqla gözlənilir.
Axşam.az xarici mətbuata istinadən xəbər verir ki, iddialara görə, Marklın uşağı eltisi Keyt Middlton və ailənin bir çox üzvləri kimi "St Mary's" xəstəxanasında deyil, yeni köçdükləri evdə - "Frogmore House" da doğulacaq.
Ümumiyyətlə, ailəyə gəlin gəldiyi gündə protokol qaydalarına uymayan Marklın şahzadə II Yelizaveti örnək aldığı bildirilir. O da bütün uşaqlarını "Bukingham Sarayı", ya da "Clarence House"da dünyaya gətirmişdi.
Markl kişi həkimləri əvəzinə, qadın həkimlərindən yardım alacaq. Doğuş zamanı yoqa hərəkətləri edəcək. Onun agrıkəsici də istifadə etməyəcəyi bildirilib. Markl analıq hissini sonadək yaşamaq arzusundadır.
