"2019-cu ilin yanvar ayı inqilabi islhatlarla başladı".
MAY.AZ xəbər verir ki, bunu Sonxeber.az-a danışan Kamilə Əliyeva deyib.
Deputat qeyd edib ki, ölkə başçısı sosial, iqtisadi və bir sözlə bütün sahələrdə islahatlar aparmaqdadır: "Artıq islhatlar kadr mərhələsinə keçib. Son bir neçə gün ərzində struktur və kadr islahatlarının aparılması ölkənin gələcək inkişafına xidmət edəcək. Bir-birini təkrarlayan qurumların İqtisadi İnkişaf Nazirliyinə birləşdirilməsi gələcəkdəki müsbət işlərdən xəbər verir".
Deputat vurğulayıb ki, cənab prezidentimiz hər zaman bildirib ki, yaşlılar artıq öz yerlərini gənclərə verməlidir: "Gənclərə yol açılmalıdır. Cənab prezidentimizin siyasətinin ana xəttinin əsasında gənclərimizin işlə təmin olunması, onların vəzifələrə gətirilməsi dayanır. Bu vaxta qədər digər strukturlarda aparılan kadr islahatlarına baxsaq görərik ki, gənclərimiz icra strukturlarında, prezident admistrasiyasında yüksək vəzifələrə təyin olunublar. Hər zaman cənab prezidentimiz savadlı gənclər üçün yol açır, onlara şərait yaradır. Bu gün bu islahatlar davam edir. Son bir neçə gün ərzində imzalanan sərəncamlar bir daha onu sübut edir ki, Azərbaycan bundan sonra da inkişaf edəcək. Deyərdim ki, struktur və kadr dəyişiklikləri ilə əlaqədar olaraq Azərbaycana yeni nəfəs gəlir.Bu təbiidir. Cənab prezidentimiz kimi təyin edirsə məncə bu onlar üçün böyük məsuliyyətdir. Bu yaşlarda dövlət idarəçiliyində bu cür mötəbər vəzifəni daşımaq düşünürəm ki, həm cənab prezidentimiz həm də xalqımız qarşısında böyük məsuliyyətdir. Mən ümid edirəm ki, cənab prezidentimizin vəzifəyə gətirdiyi kadrlar üzərlərinə düşən vəzifələri layiqincə yerinə yetirəcək, Azərbaycanın bundan da sonra daha da inkişaf etməsi üçün öz töhfələrini əskik etməyəcək".
