İranda daha 165 nəfər koronavirusun qurbanı olub.
“Report” IRNA-ya istinadən xəbər verir ki, bunu ölkənin Səhiyyə Nazirliyi açıqlayıb.
Məlumata görə, İranda, ümumilikdə, 19 804 nəfər pandemiyanın qurbanı olub.
Son sutkada daha 2 247 nəfərdə koronavirus aşkarlanıb. Beləliklə, İranda yoluxma faktlarının ümumi sayı 345 450-yə yüksəlib.
Məlumatda həmçinin 3 773 nəfərin ağır vəziyyətdə olduğu, 299 157 nəfərin isə sağaldığı vurğulanıb.
