İstanbul Universitetinin Cərrahpaşa tibb fakültəsinin professoru Bilun Gemicioğlu çirklənmiş havanın tənəffüs sistemi xəstəliklərindən əziyyət çəkən şəxslər üçün təhlükəli olduğunu deyib.
BiG.AZ AZƏRTAC-a istinadən bildirir ki, professor iki aydan çox davam edən xroniki öskürəyin səbəbinin hava çirkliliyi ola biləcəyini ifadə edib.
B.Gemicioğlu qeyd edib ki, havanın çirklənməsi səbəbindən dünyada hər il milyonlarla insan həyatını itirir. Sürətli və plansız urbanizasiya, nəqliyyatın hərəkəti, keyfiyyətsiz yanacağın istifadəsi, fabrik və zavodların sayının artması kimi müxtəlif səbəblərdən 30-dan çox kimyəvi maddə havanı çirkləndirir: "Aldığınız hər nəfəs bədənə zərər verir və bir çox xəstəliklərin yaranmasına səbəb olur. Havanın çirklənməsi bütün dünyada günü-gündən artmağa davam edən böyük bir problemdir. Bu göstəricidən dünya əhalisinin 90 faizi təsirlənir. Hava çirkliliyi ilə bağlı Ümumdünya Səhiyyə Təşkilatının (ÜST) müəyyən etdiyi standartlar var. Təəssüf ki, dünyanın bir çox yerində hava çirklənməsi bu standartların üstündədir. Hava çirklənməsi ürək-damar problemləri, astma və digər ağciyər xəstəlikləri olan insanlarda ağırlaşmaya, hətta insult və pnevmoniyaya səbəb olur. Risk qruplarına 65 yaşdan yuxarı insanlar və uşaqlar, eyni zamanda qeyd edilən xəstəliklərdən əziyyət çəkənlər daxildir",- deyə bildirib.
Ana bətnində olan körpələrdə havanın çirklənməsi səbəbindən gələcəkdə sağlamlıq problemlərinin yaranacağını qeyd edən professor deyib: "Hava çirklənməsi göstəriciləri müəyyən edilən risk normalarına uyğun olarsa, çoxlu sayda insanın ölümünün qarşısı alına bilər. Son illərdə aparılan araşdırmalara görə, dünyada 9 milyon insan havanın çirklənməsinin yaratdığı bəzi xəstəliklərə sahibdir. Bu problemlərə pnevmoniya, insult, ağciyər xəstəlikləri, xərçəng daxildir".
Professor insanlarda yaranan xroniki öskürəyin bir çox səbəbinin olduğunu qeyd edib: "Soyuqdəymə və ya müəyyən hava-damcı infeksiyaları xroniki öskürəyə səbəb olur. Lakin iki aydan çox davam edən öskürəyinizin səbəbi havanın çirklənməsi ola bilər".
BiG.AZ AZƏRTAC-a istinadən bildirir ki, professor iki aydan çox davam edən xroniki öskürəyin səbəbinin hava çirkliliyi ola biləcəyini ifadə edib.
B.Gemicioğlu qeyd edib ki, havanın çirklənməsi səbəbindən dünyada hər il milyonlarla insan həyatını itirir. Sürətli və plansız urbanizasiya, nəqliyyatın hərəkəti, keyfiyyətsiz yanacağın istifadəsi, fabrik və zavodların sayının artması kimi müxtəlif səbəblərdən 30-dan çox kimyəvi maddə havanı çirkləndirir: "Aldığınız hər nəfəs bədənə zərər verir və bir çox xəstəliklərin yaranmasına səbəb olur. Havanın çirklənməsi bütün dünyada günü-gündən artmağa davam edən böyük bir problemdir. Bu göstəricidən dünya əhalisinin 90 faizi təsirlənir. Hava çirkliliyi ilə bağlı Ümumdünya Səhiyyə Təşkilatının (ÜST) müəyyən etdiyi standartlar var. Təəssüf ki, dünyanın bir çox yerində hava çirklənməsi bu standartların üstündədir. Hava çirklənməsi ürək-damar problemləri, astma və digər ağciyər xəstəlikləri olan insanlarda ağırlaşmaya, hətta insult və pnevmoniyaya səbəb olur. Risk qruplarına 65 yaşdan yuxarı insanlar və uşaqlar, eyni zamanda qeyd edilən xəstəliklərdən əziyyət çəkənlər daxildir",- deyə bildirib.
Ana bətnində olan körpələrdə havanın çirklənməsi səbəbindən gələcəkdə sağlamlıq problemlərinin yaranacağını qeyd edən professor deyib: "Hava çirklənməsi göstəriciləri müəyyən edilən risk normalarına uyğun olarsa, çoxlu sayda insanın ölümünün qarşısı alına bilər. Son illərdə aparılan araşdırmalara görə, dünyada 9 milyon insan havanın çirklənməsinin yaratdığı bəzi xəstəliklərə sahibdir. Bu problemlərə pnevmoniya, insult, ağciyər xəstəlikləri, xərçəng daxildir".
Professor insanlarda yaranan xroniki öskürəyin bir çox səbəbinin olduğunu qeyd edib: "Soyuqdəymə və ya müəyyən hava-damcı infeksiyaları xroniki öskürəyə səbəb olur. Lakin iki aydan çox davam edən öskürəyinizin səbəbi havanın çirklənməsi ola bilər".
