Xəbər verdiyimiz kimi, çirkli pulların yuyulması və vergidən yayınmada ittiham olunan türk fenomen Dilan Polatın ardından həyat yoldaşı Engin Polat da azadlığa buraxılıb.
Axşam.az-ın məlumatına görə, Dilan sosial media hesabında bununla bağlı paylaşım edib. O, məşhur "Enerci" mahnısı sədaları altında rəqs edib.
Qeyd edək ki, cütlük həbsdən əvvəl də bu mahnı ilə gündəmə gəlirdi. Onlar bir çox videolarını bu mahnı ilə paylaşırdı.
Türkiyədə keçirilən əməliyyatlar çərçivəsində ötən il noyabrın 1-də fenomen Dilan Polat və həyat yoldaşı Engin Polat, həmçinin Dilanın bacısı Sıla Doğu, Enginin qardaşı Kürşat Polat daxil olmaqla 24 nəfər saxlanılıb.
Onlar çirkli pulların yuyulmasında ittiham olunur. Məhkəmə Dilanın istintaq müddəti üçün sərbəst buraxılmasına qərar verib. Məhkəmənin digər bir qərarı ilə 4 şübhəli - Engin Polat, Sezgin Polat, Alper Kürşat Polat və mühasib Ahmet Gün də azadlığa buraxılıb.
