Kirayə mənzil bazarında qıtlıqla yanaşı, bahalaşma da var.
Hər il olduğu kimi, bu il də yeni tədris ili ərəfəsində kirayə qiymətləri 5-10 % arası artıb. Bununla belə, rieltorlar deyirlər ki, indi Bakının mərkəzində, yəni Səbail və Nəsimidə, həmçinin nisbətən mərkəzdən kənar –Yasamal və Nərimanov rayonlarında kirayə ev tapmaq müşkül məsələdir.
Əmlak məsələləri üzrə ekspert Nofəl Quliyev "Xəzər Xəbər"ə bildirib ki, bahalaşmanın və kirayə mənzil qıtlığının səbəbləri təkcə tələbələr yox, paytaxt ərazisində söküntülərin çox olması da təsiredici amillərdəndir. Ekspert bahalaşmanın hələ sentyabr ayının sonuna qədər davam edəcəyini də istisina etmir.
