"Faciə olacaq". Paris Olimpiadasının açılışında güclü yağış gözlənilir

Fransalı meteoroloq Patrik Malyer Olimpiadanın açılışı zamanı güclü yağış yağacağını bildirib.

BAKU.WS xəbər verir ki, məşhur meteoroloqun fikirlərini RMC Sport dərc edib.

"Bu bir neçə saat faciə olacaq. Bu gün səhər saatlarında hava stabil olacaq. Ancaq günün ikinci yarısında çox güclü yağış yağacaq. Mən dəfələrlə bütün proqnozları yoxlamışam. Çox təəssüf ki, hər şey üs-üstə gəlir", - deyə Patrik Malyer bildirib.

Qeyd edək ki, açılış mərasimi Sena çayı üzərində baş tutacaq.