Əvvəllər peşəkar "Call of Duty" səhnəsində çıxış edən Daq "Censor" Martin karyerasına son verdikdən sonra 24 saat ərzində turnikdə dartınma üzrə dünya rekordu qırıb.
Oxu.Az-ın xəbərinə görə, bu barədə o özünün "X" hesabında məlumat verib.
Martin ilk dəfə 2023-cü ilin iyulunda nəticə göstərməyə cəhd edib, lakin beş saatdan çox dayana bilməyib. 2024-cü il sentyabrın 8-də yenidən öz imkanlarını sınamaq qərarına gəlib və bu dəfə rekordu qırmağa müvəffəq olub.
"Ginnesin Rekordlar Kitabı"na görə, kişilər arasında 24 saat ərzində turnikdə maksimum dartınma sayı 8 940 idi. "Censor" isə 9250 dəfə dartınıb və startdan 19 saat sonra rekord əldə edib. Keçmiş kiberidmançı daha sonra proses zamanı zədələnmiş əllərini nümayiş etdirib.
