Tarix boyu cəmiyyətin inkişafında müəllimin rolu və əhəmiyyətli əvəzedilməz olub. Müasir dövrdə müəllimlik anlayışı yeni-yeni keyfiyyətlər hesabına daha da zənginləşib. Hazırkı cəmiyyətdə müəllim yüksək nəzəri biliklərə, mədəniyyət və mərifətə, pedaqoji etikaya şəxsiyyət olmalıdır. Təəssüflər olsun ki, sadalanan xüsusiyyətləri özündə daşımayan müəllimlər az deyil. Buna görə də dünyanın seçilən ölkələrində bu peşənin sahibləri pedaqoji imtahanla birgə psixoloji imtahandan da keçir.
Bəs Azərbaycanda necə, müəllimlərin psixoloji vəziyyəti yoxlanmalıdır?
Mövzu ilə bağlı BiG.AZ-a danışan psixoloq Gülər Məmmədova qeyd edib ki, ümumiyyətlə insanlarla işləyən peşə sahiblərinin ilk növbədə psixologiyası yoxlanılmalıdı:
"Xüsusilə də müəllimlərin. Çünki, onlar ətrafında 20-25 insanı idarə edir və onları özünə tabe edərək iş prosesini yerinə yetirir. Bu əsasda düşünürəm ki, hər bir müəllim psixoloji diaqnostikadan keçməlidir.
"Müəllimlərin pedaqoji fəliyyətində onun psixoportreti böyük əhəmiyyət kəsb edir. Bu portret mütləq sağlam olmalıdır ki, o, öz elmini mükəmməl şəkildə şagirdlərinə çatdırsın.
Gülər Məmmədova bildirib ki, müəllimin psixoloji vəziyyəti yerində olmazsa o sinifdə şagirdlər arasında olan münasibət də konflikli münasibət olacaq:
" Yaxşı olardı ki, digər ölkələrdə olduğu kimi müəllimlər bizdə də psixodaqnostikadan keçərək öz peşələrinin icrasına başlasınlar. Qeyd etdiyim psixodiaqnostika müsahibə əsasında olsa daha yaxşı nəticələr əldə etmiş olarıq".
Nuray Nəzərova
