Yaşadıqları binanın həyətində oynayan 4 yaşlı uşaq pitbull cinsindən olan 2 itin hücumuna məruz qalıb.Sonxeber.az-ın "Sabah"a istinadən verdiyi məlumata görə, hadisə Türkiyənin Qaziantep şəhərində baş verib.
Asiyə Atəş adlı balaca qız hücum nəticəsində ağır yaralanıb.
Ona Antalya şəhərində 4 saatlıq toxuma transplantasiyası edilib.
Asiyənin toxuma transplantasiyası əməliyyatından əvvəl anasına verdiyi "Üzüm yaxşılaşacaqmı?" sualı ürəkləri dağlayıb. Anası isə "Ömər həkim üzünü sağaldacaq. Əvvəlki kimi olacaqsan!" deyə cavab verib.
Əməliyyatdan sonra professor Ömər Özkan bu məlumatları paylaşıb:
"Asiyədəki normal toxuma itkisi deyil. Üz sinirlərində ciddi zədələnmələr var idi. Üzünü və baş dərisini əməliyyat etdik. Biz onun kürəyindən və ayağından toxuma nəql etdik. Köçürülən toxumanın tutması vacibdir. İki həftə sonra inkişafı qiymətləndirib yenidən toxuma transplantasiyasına başlayacağıq. Üz iflici riski var, lazım gəlsə, bununla bağlı müdaxilə edəcəyik. Əgər prosesdə heç bir problem olmasa və həyati təhlükə tamamilə aradan qalxsa, digər prosedurları da etməyə başlayacağıq".
