"28 qeyri-endemik ölkədə meymunçiçəyinə 1285 təsdiqlənmiş yoluxma halı var. Bu ölkələrdə bir həftə ərzində 505 nəfərdə yoluxma qeydə alınıb"."Report" TASS-a istinadən xəbər verir ki, bu barədə Ümumdünya Səhiyyə Təşkilatının (ÜST) şənbə günü dərc olunan məlumat bülletenində deyilir.
Bildirilir ki, ən çox yoluxma Böyük Britaniyada (321) aşkar edilib. İspaniyada 259, Portuqaliyada 191, Almaniyada 113, Kanadada 110, Fransada 66, Niderlandda 54, ABŞ-da 40, İtaliyada 29, Belçikada isə 24 yoluxma halı qeydə alınıb.
ÜST meymunçiçəyi xəstəliyinin qlobal miqyasda yayılma riskini "orta" olaraq qiymətləndirir.
